पणजीः गोवा प्रदेश युवा काँग्रेसच्या सांत आंदे विभागाने नुकतेच गोवा मेडिकल कॉलेज-बांबोळी येथे दाखल असलेल्या रूग्णांच्या नातेवाईकांना अन्न पाकिटांचे वाटप केले.
युवक काँग्रेसचे अध्यक्ष अड. वरद म्हार्दोळकर यांनी माहिती दिली की राहुल गांधी यांच्या वाढदिवसानिमित्त हा कार्यक्रम आयोजित करण्यात आला होता. “आमच्या सांत आंदे विभागाने जीएमसीच्या रूग्णांच्या नातेवाईकांना अन्नाची पाकिटे वाटून चांगले काम केले आहे. यापूर्वीही आम्ही त्यांना मदत करण्यासाठी पाण्याच्या बाटल्या वितरीत केल्या होत्या. ’’ असे म्हार्दोळकर म्हणाले.
ते म्हणाले की अन्न पाकिटे वाटप करण्याच्या या कार्यक्रमात अनेक तरुण सहभागी झले होते.
“आमच्या तरुणांना या वितरणाचे महत्त्व माहित आहे आणि यासाठी ते समाजाला मदत करण्यासाठी पुढे येतात. यामुळे आम्हाला असे बरेच कार्यक्रम पार पाडण्यास मदत होते. शिवाय, आम्ही संकटात असलेल्या आणि गरजू लोकांना यापुढेही मदत करू. “असून म्हार्दोळकर म्हणाले.
गोवा प्रभारी अखिलेश यादव, -उत्तर जिल्हाध्यक्ष विवेक डी सिल्वा, सरचिटणीस अर्चित नाईक, सांत आंदे अध्यक्ष साईश आरोसकर, उत्तर जिल्हा सरचिटणीस मझिन्हो फर्ना?डिस आणि सांत आंदे सरचिटणीस विवेक नाईक उपस्थित होते.
गोवा प्रभारी अखिलेश यादव यांनी युवा काँग्रेसच्या कार्याचे कौतुक केले आणि ते म्हणाले की कोविड साथीच्या रोगाचा आजार होण्याच्या या कठीण वेळी गरजू लोकांना मदत करणे हे तरुणांचे कर्तव्य आहे. “बरेच लोक या साथीच्या रोगाचा सामना करीत आहेत. जर आम्ही त्यांना मदत केली आणि त्यांना काही आशा दिली, तर ही सर्वात चांगली गोष्ट असेल. गरजू लोकांना आधार द्या.’’ असे आवाहन यादव यांनी केले.
युवक काँग्रेसच्या सदस्यांनी भविष्यात असे आणखी कार्यक्रम आयोजित करावे असे ते म्हणाले.