- योगी सरकारकडून आदेश जारी
ऑनलाईन टीम / लखनऊ :
45 पेक्षा अधिक वय असलेल्या नागरिकांसाठी सुरू करुण्यात आलेली ऑन स्पॉट नोंदणी लसीकरण सुविधा आता आरोग्य विभागाकडून बंद करण्यात आली आहे. त्यामुळे सोमवारपासून 45 वर्षांपेक्षा अधिक वय असलेल्या नागरिकांना लसीचा पहिला डोस ऑनलाईन पद्धतीने नोंदणी केल्यावरच मिळणार आहे.
आतापर्यंत 45 पेक्षा अधिक वय असलेल्या नागरिकांना सरळ लसीकरण केंद्रावर जाऊन नोंदणी करून लस टोचून घेण्याची सुविधा उपलब्ध होती. 1 मे पासून 18 वर्षांपेक्षा अधिक वय असलेल्यांना नोंदणी केल्यावर वेळ ठरवून दिली जात आहे.
दरम्यान, लाभार्थ्यांची संख्या वाढल्याने लसीकरण मोहीमेमध्ये अडचणी येत आहेत. त्यामुळे आरोग्य विभागाकडून ऑन स्पॉट नोंदणी करण्याची सुविधा रद्द केली आहे.