ग्राम पंचायत सदस्यांनी मांडल्या विविध समस्या
प्रतिनिधी /येळ्ळूर
येळ्ळूर ग्राम पंचायतीला जिल्हाधिकारी एम. जी. हिरेमठ यांनी धावती भेट दिली. यावेळी ग्राम पंचायत अध्यक्ष सतीश पाटील आणि उपाध्यक्षा लक्ष्मी मासेकर यांच्यासह इतर सदस्यांनी त्यांचे स्वागत केले.
येळ्ळूर ग्राम पंचायतच्या परिसरातील एक किलोमीटरचा परिसर गावठाण म्हणून नोंद करावी, असे निवेदन देण्यात आले. गावातील दारू बंद करावी, याचबरोबर इतर मागण्यांसाठी हे निवेदन देण्यात आले.
यावेळी ग्रा. पं. सदस्य रमेश मेणसे, प्रमोद पाटील, परशराम पाटील, दयानंद उघाडे, राकेश परीट, कल्लाप्पा मेलगे, विलास बेडरे, अरविंद पाटील, शशिकांत धुळजी, राजू डोण्याण्णावर, रूपा पुण्याण्णावर, मनीषा घाडी, सुवर्णा बिजगरकर, वनिता परीट, रुक्मिणी नाईक, पीडीओ अरुण नाईक, सेपेटरी सदानंद मराठे, तलाठी मयूर मासेकर व कर्मचारी उपस्थित होते.