ओनलाईन टीम/तरुण भारत
अभिनेत्री कंगना रनौत (Kangana Ranaut Indian actress) ने शुक्रवारी उत्तर प्रदेशचे मुख्यमंत्री योगी आदित्यनाथ (Yogi Adityanath Chief Minister of Uttar Pradesh) यांची त्यांच्या शासकीय निवासस्थानी जाऊन भेट घेतली. यावेळी दोघांमध्ये सविस्तर चर्चा झाल्यानंतर उत्तर प्रदेश सरकारकडून कंगनाला ODOP ची ब्रँड अँम्बेसेडर (brand ambassador) म्हणून घोषित करण्यात आलं.
दरम्यान, लॉकडाउनच्या काळात सत्ताधारी शिवसेनेसोबत पंगा घेणारी अभिनेत्री कंगना रनौत आता उत्तर प्रदेश सरकारच्या एका महत्त्वाच्या मोहिमेची ब्रँड अॅम्बेसिडर झाली आहे. शुक्रवारी कंगनानं उत्तर प्रदेशचे मुख्यमंत्री योगी आदित्यनाथ यांची भेट घेतली. त्यांनतर उत्तर प्रदेश सरकारकडूनच ही घोषणा करण्यात आली आहे.
कंगना रनौतने प्रमुख भूमिका साकारलेला थलैवी (thalaivi) चित्रपट ओटीटीवर (OTT) प्रदर्शित झाला आहे. त्यानंतर कंगनानं पुढच्या चित्रपटाचं चित्रीकरण सुरू केलं आहे. शुक्रवारी चित्रीकरण संपवून कंगनानं थेट लखनौ गाठलं आणि तिथे योगी आदित्यनाथ यांच्यासोबत तिची भेट झाली.