पोलीस तपास सुरू, कारण गुलदस्त्यात
प्रतिनिधी/ बेळगाव
सोनट्टी (ता. बेळगाव) येथील एका फॉर्म हाऊसवर झोपलेल्या वॉचमनचा खून करण्यात आला होता. खुनाच्या घटनेला दोन दिवस उलटले तरी अद्याप धागेदोरे सापडले नाहीत. खुनाचे कारणही गुलदस्त्यात आहे.
लक्ष्मण नानाप्पा हुलगण्णावर (वय 45, रा. हन्नीकेरी, ता. बैलहोंगल) असे त्याचे नाव आहे. तो सोनट्टी जवळील सुनील पाटील यांच्या फॉर्म हाऊसवर काम करीत होता. रखवालदारी करतानाच शेतीचे कामही करत होता. मंगळवारी रात्री 11 वाजण्याच्या सुमारास गळा आवळून त्याचा खून करण्यात आला आहे.
काकतीचे पोलीस निरीक्षक राघवेंद्र हळ्ळूर व त्यांचे सहकारी या प्रकरणी पुढील तपास करीत आहेत. लक्ष्मणचा खून कोणी व कशासाठी केला? याचा उलगडा झाला नाही. बैलहोंगल व सौंदत्ती तालुक्मयात तपास करण्यात येत असून लक्ष्मण केवळ 9 महिन्यांपूर्वी कामानिमित्त सोनट्टीत आला होता. यापूर्वी तो कोठे होता? याचीही माहिती घेण्यात येत आहे.