वृत्तसंस्था/ मोहाली
अखिल भारतीय रायफल संघटनेच्या अध्यक्षपदी अनुभवी आणि कुशल क्रीडा प्रशिक्षक रणिंदर सिंग यांची चौथ्यांदा निवड झाली आहे. शनिवारी येथे झालेल्या संघटनेच्या अध्यक्षपदाच्या निवडणुकीत रणिंदर सिंग यांनी बहुजन समाज पार्टीचे खासदार शामसिंग यादव यांचा 56-3 अशा मतांनी दणदणीत पराभव केला.
शनिवारी झालेल्या रायफल संघटनेच्या विविध पदांच्या निवडणुकीत कुंवर सुस्तान सिंग यांची बिनविरोध सरचिटणीसपदी निवड झाली. रणदीप मान यांची खजिनदारपदी निवड झाली. पवनकुमार सिंग यांची संयुक्त चिटणीसपदी निवड करण्यात आली. आता पवनकुमार सिंग आणि शीला कानूनगो हे फेडरेशनचे संयुक्त चिटणीस म्हणून राहतील. रणिंदर सिंग यापूर्वी तब्बल 12 वर्षे अध्यक्ष म्हणून कार्यरत होते.