वार्ताहर / मौजेदापोली
निसर्ग चक्रीवादळाचा दापोलीतील सर्वच शाळांनाही फटका बसला आहे. या शाळांच्या दुरूस्तीची कामे सध्या युद्धपातळीवर सुरू आहेत. परंतु अद्याप शाळांची कामे सुरू असले तरी प्रशासनाकडून 5 वी ते 8 वी पर्यंतचे वर्ग 27 जानेवारी पासून सुरू करण्यात येणार आहेत. यामुळे दापोलीतील विरसई येथील एक वर्ग मात्र मंदिरात बसवण्यात येणार असल्याचे दापोली शिक्षण विभागाकडून चौकशी दरम्यान सांगण्यात आले.
ग्रामपंचायत निवडणूकीचे आरक्षण जाहीर झाल्यामुळे काही शाळांची कामे थांबली होती. परंतु ती आता वेग घेत असल्याचे देखील दापोली शिक्षण विभागाकडून चौकशी दरम्यान सांगण्यात आले.