प्रतिनिधी / संगमेश्वर
मुंबई गोवा महामार्गावर संगमेश्वर जवळच्या रामकुंडवळणावर मुंबईहुन रत्नागिरीला दिशेने जाणारी कार संगमेश्वर जवळच्या रामकुंड वळणावर आली असता गाडी चालकाचा ताबा सुटल्याने पुलाच्या कठड्यावर जावून आदळली. हा अपघात दुपारी 3 वाजण्याच्या सुमारास घडला.
कार चालक परशुराम पुरुषोत्तम ठाकूर रा रत्नागिरी फिनोलॅक्स कॉलनी हे मुंबई हुन रत्नागिरी ला येत होते. ते संगमेश्वरजवळच्या रामकुंड वळणावर आले असता त्यांचा गाडीवरील ताबा सुटला त्यामुळे गाडी पुलाच्या कठड्यावर जावून जोरदार आदळली त्यामुळे गाडीच्या दर्शनीचा भाग चेपला गेला. कार मधील महिला जखमी झाली आहे. तिला उपचारासाठी खाजगी रुग्णालयात दाखल करण्यात आले आहे.
कंटेनरच्या प्रसंगवधानामुळे मोठा अनर्थ टळला
रामकुंड वळणावर कार चालक विरुद्ध दिशेने समोर धडक देणार हे समजताच कंटेनर क्रमांक डी एन 09 व्ही 9625 यांने तात्काळ समोरील होणारी धडक वाचविण्याचा प्रयत्न केला. त्याच्या प्रसंगधानामुळे जीवीत हानी टळली. मात्र कंटेनरच्या मागील बाजूस कार आदळली. कंटेनर हा गोव्यातून मुंबईच्या दिशेने जात होता. अपघाताचे वृत्त समजताच संगमेश्वर पोलीस घटनास्थळी दाखल झाले आहेत.