प्रतिनिधी/ बेळगाव
स्मार्ट सिटी योजनेंतर्गत विविध रस्त्यांचे काँक्रिटीकरण करण्यात आले आहे. ऊन-पाऊस व वाहनांच्या फेऱयांमुळे या रस्त्यांचे प्रसरण होऊ नये, याकरिता रस्ता कटींग करून त्यामध्ये बिटूमीन काँक्रीट व डांबर घालण्याचे काम हाती घेण्यात आले आहे. शहराच्या विविध भागात हे काम सध्या सुरू आहे.
शहरातील रस्ते खराब झाल्याने वारंवार दुरुस्तीचे काम हाती घ्यावे लागते. दरवषी पावसाळय़ात रस्ते खराब होत असल्याने दुरुस्तीसाठी मोठय़ा प्रमाणात निधी खर्च करावा लागतो. त्यामुळे या समस्येपासून मुक्त होण्यासाठी शहर व उपनगरांतील प्रमुख रस्त्यांचे काँक्रिटीकरण करण्यात येत आहे. बहुतांश रस्त्यांच्या काँक्रिटीकरणाचे काम पूर्ण झाले आहे. काही रस्त्यांच्या काँक्रिटीकरणाचे काम सुरू आहे. काँक्रिटीकरण पूर्ण झालेल्या रस्त्यांवर वाहनांच्या फेऱयांमुळे आणि ऊन-पावसामुळे रस्ता प्रसरण पावतो. त्यामुळे रस्ता खराब होण्याची शक्मयता असते. हे टाळण्यासाठी काँक्रिटीकरण करण्यात आलेल्या रस्त्यावर कटरने चरी मारून त्यामध्ये बिटुमीन काँक्रीट आणि डांबर भरण्यात येत आहे. रस्त्याचा दर्जा राखण्यासाठी हे काम सध्या ठिकठिकाणी सुरू आहे.