नवी दिल्ली / वृत्तसंस्था
कोरोनाच्या वाढत्या संसर्गाची बाधा आता राजकीय नेत्यांनाही होऊ लागली आहे. कर्नाटकचे मुख्यमंत्री आणि भाजप नेते बी. एस. येडियुराप्पा, काँग्रेसचे ज्ये÷ नेते दिग्विजय सिंह, काँग्रेसचे ज्ये÷ नेते रणदीप सुरजेवाला व शिरोमणी अकाली दलाच्या नेत्या व माजी केंद्रीय मंत्री हरसिमरत कौर बादल आदी नेत्यांचा कोरोनाचा अहवाल शुक्रवारी पॉझिटिव्ह आला आहे. दरम्यान, राष्ट्रीय स्वयंसेवक संघाचे सरसंघचालक डॉ. मोहन भागवत यांनी कोरोनावर यशस्वीरित्या मात केली आहे. त्यांचा कोरोना अहवाल 9 एप्रिलला पॉझिटिव्ह आला होता. आता ते कोरोनामुक्त झाले असले तरी त्यांना पुढील पाच दिवस विलगीकरणात राहण्याचा सल्ला डॉक्टरांनी दिला आहे.
दिग्विजय सिंह यांनी शुक्रवारी आपल्याला कोरोनाची बाधा झाल्याची माहिती ट्विटरवरून दिली. त्यांनी स्वतःला घरातच क्वारंटाईन केले असून आपल्या संपर्कात आलेल्या व्यक्तींनी काळजी घ्यावी, असे आवाहन त्यांनी केले आहे. अकाली दलाच्या नेत्या आणि माजी केंद्रीय मंत्री हरसिमरत कौर बादल यांना कोरोनाची बाधा झाली आहे. त्या सध्या होम क्वारंटाईन आहेत. कोरोनाची बाधा झाल्याची बातमी त्यांनी सोशल मीडियाच्या माध्यमातून दिली आहे.