ऑनलाईन टीम / जयपूर :
राजस्थानचे मुख्यमंत्री अशोक गेहलोत यांची प्रकृती अचानक बिघडली आहे. त्यांना जयपूरच्या सवाई मानसिंग रुग्णालयात दाखल करण्यात आले आहे. छातीत तीव्र वेदना झाल्यानंतर त्यांना रुग्णालयात दाखल करण्यात आले. त्यांनी स्वतः ट्विट करत याबाबत माहिती दिली.
ते आपल्या ट्विटमध्ये म्हणाले की, कोविडनंतरच्या प्रभावामुळे मी कालपासून आजारी आहे. मला माझ्या छातीत तीव्र वेदना होत आहेत. एसएमएस हॉस्पिटलमध्ये सीटी एनजीओ करण्यात आले असून, लवकरच अँजिओप्लास्टी केली जाईल. मला आनंद आहे की मी एसएमएस रुग्णालयात उपचार घेत आहे. तुमच्या सर्वांच्या प्रार्थना आणि आशीर्वाद माझ्याबरोबर आहेत. मी ठीक आहे आणि लवकरच परत येईन.