क्रीडा प्रतिनिधी / बेळगाव
बेळगाव अमॅच्युअर खोखो संघटनेच्या वतीने हुबळी-धारवाड येथे होणाऱया राज्यस्तरीय खोखो स्पर्धेसाठी बेळगाव जिल्हा पुरूष संघाची निवड करून नूतन ग्रा. पं. अध्यक्ष सतीश पाटील यांचा गौरव करण्यात आला.
बेळगाव जिल्हा अमॅच्युअर खोखो संघटनेतर्फे नवहिंद सोसायटीच्या सभागृहात बैठक पार पडली. या बैठकीत केंद्रीय रेल्वे मंत्री खासदार सुरेश अंगडी व सहशिक्षक एन. बी.गोजेकर यांना श्रद्धांजली वाहण्यात आली. बैठकीत 5 ते 6 मार्च रोजी हुबळी-धारवाड येथे होणाऱया खुल्या राज्यस्तरीय खोखो स्पर्धेबद्दल चर्चा करून पुरूष खोखो संघाची निवड करण्यात आली. यावेळी येळ्ळूर ग्रा.पं. अध्यक्ष सतीश पाटील यांचा गौरव करण्यात आला. अमॅच्युअर खोखो संघटनेचे ऍड. एम. एम. पाटील, एन. आर. पाटील, वाय. सी. गोरल, नितिन नाईक, व्हीटी कुकडोळकर, ऍड. अमर पाटील उपस्थित होते.