बेंगळूर
राज्य सरकारने मागील अर्थसंकल्पात केलेल्या घोषणेप्रमाणे राज्यातील 450 बेरोजगार युवक-युवतींना प्रवासी टॅक्सींचे वितरण करण्याची योजना जारी केली आहे. शनिवारी विधानसौध आवारात पार पडलेल्या कार्यक्रमात मुख्यमंत्री येडियुराप्पा यांनी प्रवासी टॅक्सेंचे वितरण केले. याप्रसंगी बोलताना ते म्हणाले, प्रवासी टॅक्सी योजनेमुळे बेरोजगारी दूर होण्यास मदत होणार आहे. राज्यातील 450 जणांना टॅक्सी वितरीत करण्यात येतील. राज्य आणि केंद्र सरकारच्या सुविधांचा उपयोग करून युवा वर्गाने स्वावलंबी बनावे, अशी हाक दिली. कार्यक्रमप्रसंगी पर्यटन मंत्री सी. टी. रवी, गृहमंत्री बसवराज बोम्माई, वनमंत्री सी. सी. पाटील, कन्नड अभिनेत्री श्रुती आदी उपस्थित होते.