पुणे / प्रतिनिधी :
यंदा थंडीचा दीर्घकाळ, कमी-अधिक प्रमाणातील अनुभव घेतल्यानंतर थंडीने गाशा गुंडाळला असून, राज्यात उन्हाळय़ाची चाहूल लागली आहे. कमाल आणि किमान दोन्ही तापमानात वाढ झाली आहे. पुढील आठवडाभर तापमानाचा पारा चढाच राहणार असल्याचा अंदाज पुणे वेधशाळेकडून वर्तविण्यात आला आहे.
राज्यात यंदा पुणे शहर आणि परिसरामध्ये थंडीचा कालावधी वाढला. डिसेंबरच्या थंडीची कसर जानेवारी महिन्याने भरून काढली. जानेवारीच्या दुसऱया आठवडय़ात थंडीची लाट होती. यानंतर तापमानात चढ-उतार होत राहिले. फेबुवारीच्या पहिल्या आठवडय़ातही रात्रीच्या तापमानात वाढ सुरू झाली. फेबुवारीपर्यंत दिवसाचे कमाल तापमान 30 अंशांच्या खाली होते. 12 फेबुवारीनंतर मात्र, तापमानात वाढ नोंदविली गेली. रात्रीच्या तापमानात वाढ झाल्याने थंडी गायब झाली आहे.