प्रतिनिधी / बेंगळूर
राज्यात कोव्हॅक्सिन लस उपलब्ध होत नसल्याच्या तक्रारी वाढत असतानाच केंद्र सरकारने मंगळवारी कर्नाटकाला कोव्हॅक्सिनचे 1 लाख 25 हजार डोस वितरीत केले आहेत. आरोग्यमंत्री डॉ. के. सुधाकर यांनी ट्विटरवर ही माहिती दिली. केंद्र सरकारकडून राज्याला आतापर्यंत कोव्हिशिल्डचे 12,91,280 डोस मिळाले आहेत. तर कोव्हॅक्सिनचे 1,44,170 डोस मिळाले आहेत. राज्याला सोमवारी केंद्राच्या कोटय़ातून कोव्हिशिल्डचे 3 लाख डोस उपलब्ध झाले होते. यापाठोपाठ मंगळवारी कोव्हॅक्सिनचा लससाठा मिळाला आहे.