लास व्हेगास : 2023 च्या एफ-वन ग्रां प्रि मोटार रेसिंग हंगामातील होणाऱया रात्रीच्या मोटार शर्यतीचे यजमनपद लास व्हेगासने मिळविले आहे. अमेरिकेतील या शहरामध्ये आता पहिल्यांदाच शौकिनांना रात्रीची एफ-वन मोटार शर्यत पाहावयास मिळणार आहे.
2022 च्या एफ-वन ग्रां प्रि मोटार रेसिंग हंगामातील लास व्हेगास ग्रां प्रि मोटार शर्यत येत्या नोव्हेंबर महिन्यात होणार आहे. आतापर्यंत अमेरिकेतील लास व्हेगास या शहराने 1981 आणि 1982 साली झालेल्या एफ-वन शर्यतीचे यजमानपद भूषविले होते. येथे बुधवारी झालेल्या ग्रां प्रि एफ-वन मोटार रेसिंगच्या फेडरेशनच्या बैठकीनंतर ही घोषणा करण्यात आली.