वार्ताहर / आळते
श्री. प्रभु रामचंद्र यांच्या पदस्पर्शाने पवित्र झालेल्या आळते ( ता. हातकणंगले ) डोंगरातील रामलिंग मंदिराच्या परिसरातील जल व माती अयोध्या येथे राम मंदिराच्या पायाभरणीसाठी पाठविण्यात येणार आहे. प्रभु रामचंद्र यांचे वनवास काळामध्ये येथे काही काळ वास्तव्य होते . त्याकाळी प्रभुंनी डोंगरात धनुष्यबाण मारून पाण्याचा जिवंत झरा काढला होता. तेंव्हापासुन आजतागायत झऱ्यातुन पाण्याचा उमाळा सुरू आहे .
याच झऱ्याचे पाणी येथील माती सोमवारी सकाळी अकरा वाजता रामलिंग येथील शिवपिंडीला अभिषेक घालून अयोध्येकडे रवाना करण्यात येणार आहे. प्रभू रामचंद्र चौदा वर्षे वनवासात असताना हा परिसर त्यांच्या पदस्पर्शाने पावन झालेला आहे. येथील शिवलिंगाची त्यांनी स्थापन केली असून पूजेसाठी त्यांनी मारलेल्या धनुष्यबानातून शिवपिंडीवर सतत जलाभिषेक होत असतो .
पाच ऑगस्टला पंतप्रधान नरेंद्र मोदी यांच्या हस्ते राम मंदिराची पायाभरणी होत आहे. यासाठी देशभरातून ऐतिहासिक भूमीवरील जल व माती संकलित केली जात आहे. कोल्हापूर जिल्ह्यातील रामलिंग या ऐतिहासिक भूमीतून सोमवारी जल आणि माती पाठवण्यात येत आहे . भाजपाचे प्रदेश उपाध्यक्ष मा . आमदार सुरेश हाळवणकर जिल्हा परिषदेतील भाजपाचे गटनेते अरुणराय इंगवले यांनी यासाठी पुढाकार घेतला आहे . प्रदेशाध्यक्ष चंद्रकांत पाटील यांच्यामार्फत हे जल व माती आयोध्येला पाठवण्यात येणार आहे.
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.