बेंगळूर/प्रतिनिधी
पुढील वर्षीपासून कर्नाटकात राष्ट्रीय शैक्षणिक धोरण २०२० लागू करण्यात येणार असल्याची माहिती उपमुख्यमंत्री डॉ. सी. एन. अश्वथ नारायण यांनी दिली.एनईपी न्यू इंडियाच्या संकल्पनेचा मार्ग प्रशस्त करेल, असेही ते पुढे म्हणाले. तसेच राष्ट्रीय शैक्षणिक धोरणाच्या अंमलबजावणीसाठी सरकार सर्वतोपरी मदत करणार असल्याचे उपमुख्यमंत्री म्हणाले.
एनईपी २०२० लागू करण्यासाठी राज्य सरकारने नेमलेल्या टास्क फोर्सने आपला अहवाल मंत्रिमंडळात मंजूर केला आहे. एनईपीच्या अंमलबजावणीसाठी आवश्यक असलेल्या संरचनात्मक आणि प्रशासकीय सुधारणांचा विचार केला जाईल. एनईपीच्या अंमलबजावणीसाठी सरकार सर्वतोपरी मदत करेल. शाश्वत विकास केवळ शिक्षणाद्वारे शक्य आहे, असेही ते म्हणाले.