नवी दिल्ली / वृत्तसंस्था
राष्ट्रीय स्वयंसेवक संघाच्या नेत्यांची महत्वाची बैठक राजस्थानातील झुनझुनू येथे 7 जुलैपासून होत आहे. संघाचा शदाब्दी महोत्सव आणि सहसंघटनांसंबंधीचे विषय या बैठकीत चर्चिले जाणार आहेत, अशी माहिती देण्यात आली आहे. या बैठकीला सरसंघचालक मोहन भागवत, महासचिव दत्तात्रेय होसबाळे, इतर ज्येष्ठ आणि वरीष्ठ नेते, तसेच उपस्थित राहणार आहेत, असे स्पष्ट करण्यात आले. अशा प्रकारची बैठक दरवर्षी आयोजित केली जाते. संघाची स्थापना 1925 मध्ये झाली होती. त्यामुळे 2025 हे संघाच्या शताब्दीपूर्तीचे वर्ष आहे. ते मोठय़ा प्रमाणात साजरे करण्याची संघाची योजना आहे, असेही प्रतिपादन करण्यात आले.