वृत्तसंस्था/ नवी दिल्ली
सोमवारी येथे झालेल्या 64 व्या राष्ट्रीय नेमबाजी स्पर्धेत महाराष्ट्राची महिला नेमबाज राही सरनोबतने महिलांच्या 25 मी. पिस्तुल नेमबाजीत आपले निर्विवाद वर्चस्व राखत तिसऱयांदा राष्ट्रीय जेतेपद पटकाविले.
महिलांच्या 25 मी. पिस्तुल नेमबाजीत महाराष्ट्रांच्या राही सरनोबतने सुवर्णपदक, दिल्लीच्या 14 वर्षीय नाम्म्या कपूरने रौप्यपदक तर हरियाणाच्या मनू भाकरने कांस्यपदक मिळविले. महिलांच्या 50 मी. रायफल थ्री पोझिशन प्रकारात ओडिशाच्या श्रीयांका सदनगीने सुवर्णपदक पटकाविताना 454.9 गुण नोंदविले. मध्यप्रदेशच्या मानसी कथैटने 453.5 गुणांसह रौप्य आणि पश्चिम बंगालच्या आयुषी पोद्दारने 440.9 गुणांसह कांस्यपदक मिळविले. कनिष्ठ महिलांच्या थ्री पोझिशन प्रकारात हरियाणाच्या निश्चलने सुवर्ण, मध्यप्रदेशच्या आशी चोक्सीने रौप्य व पंजाबच्या समराने कांस्यपदक मिळविले.