प्रतिनिधी/ बेळगाव
बेळगाव जिल्हा रिटेल फार्मसी असोसिएशन नेहमीच समाजाभिमुख काम करत आहे. सर्वत्र कोरोनाचा उदेक झाला असून नागरिकांना त्याचा त्रास होऊ नये म्हणून औषधे घरपोच सेवा सुरू करण्यात आली आहे.
संत मीरा स्कूल येथील जनकल्याण सेवा ट्रस्टतर्फे चालू असलेल्या कोविड केअर सेंटरला बेळगाव जिल्हा रिटेल फार्मसी असोसिएशनकडून कोरोनाबाधितांच्या उपचारासाठी औषध पुरवठा करण्यात आला. असोसिएशनचे अध्यक्ष जयवंत साळुंके यांनी सदर सेंटरचे मुख्य श्री कृष्णानंद यांच्याकडे औषधे सुपूर्द केली. याप्रसंगी असोसिएशनचे कायदा सल्लागार महेशगौड पाटील, उपखजिनदार शैलेंद्र जैन, प्रवक्ते पवन देसाई, संचालक रोहित सव्वागुंजी हेही उपस्थित होते.