वृत्तसंस्था/ नवी दिल्ली
या महिन्याच्या अखेरीस द मॅट्रीक्सतर्फे आयोजित केलेल्या जागतिक दर्जाच्या सहा कुस्ती लढतीतील एक लढत भारताची महिला मल्ल रितू फोगट (52.2 कि.) आणि कंबोडियाची नोयु श्रेय पोव्ह यांच्यात सिंगापूरमध्ये होणार आहे.
सिंगापूरच्या इनडोअर स्टेडियममध्ये 30 ऑक्टोबरला ही लढत होणार असून या लढतीचे थेट प्रक्षेपण केले जाणार आहे. सदर माहिती वन चॅम्पियनशीप इनसाईड द मॅट्रिक्सतर्फे देण्यात आली. मॅट्रीक्सतर्फे विविध वजन गटातील चार विश्व लढती आयोजित केल्या आहेत. मिडलवेट बेल्टसाठी म्यानमारच्या विद्यमान विजेत्या सेंग आणि हॉलंडच्या रिडेर यांच्यात लढत होईल. त्याचप्रमाणे लाईटवेट गटात सिंगापूरची ली आणि माल्डोव्हाची लॅपिक्यूस तसेच फेदरवेट गटात व्हिएतनामचा नेग्युयेन आणि अमेरिकेचा ली यांच्यात लढत होणार आहे.