प्रतिनिधी/ बेळगाव
मूळच्या गोंधळी गल्ली येथील रहिवासी असलेल्या व खोत कुटुंबीयातील राजेश व ज्योती यांची सुकन्या रिया खोत हिने अमेरिकेत सर्वोत्तम प्रगती (आऊट स्टँडिंग अचिव्हमेंट ईन टेक्नॉलॉजी) चा पुरस्कार मिळविला आहे. येथील मिझुरी राज्यातल्या फिलाडेल्फिया या ठिकाणी नुकत्याच झालेल्या एका कार्यक्रमात रिया खोत हिला पुरस्कार देऊन गौरविण्यात आले आहे. यापूर्वीही रियाला यांत्रिक मानव (वर्णी रोबोटिक्स) क्षेत्रात बेस्ट स्टुडंट अचिव्हर हा बहुमान मिळाला होता. रिया या निवृत्त कर्नल अनिल व जानकी खोत यांच्या नात असून तिच्या या यशाबद्दल सर्वत्र कौतुक होत आहे.