कंपनी सेक्शन-8 च्या बैठकीत एकमताने निर्णय
प्रतिनिधी/कोल्हापूर
शिवाजी विद्यापीठ नवोपक्रम, नवसंशोधन व साहचर्य मंडळ यांच्या अंतर्गत स्थापन करण्यात आलेल्या शिवाजी विद्यापीठ रिसर्च अँड डेव्हलपमेंट फौंडेशन’ कंपनी (सेक्शन-8)च्या अध्यक्षपदी विद्यापीठाचे कुलगुरू डॉ. डी. टी. शिर्के यांची नॉवड करण्यात आली आहे.
सेक्शन-8 कंपनीच्या संचालक मंडळाची पहिली बैठक मंगळवारी विद्यापीठातील कार्यालयात आयोजित करण्यात आली होती. या बैठकीमध्ये कुलगुरू डॉ. शिर्के यांची एकमताने अध्यक्षपदी निवड करण्यात आली. यावेळी प्र-कुलगुरू डॉ. पी. एस. पाटील यांच्या हस्ते पुष्पगुच्छ व ग्रंथभेट देऊन कुलगुरू डॉ. शिर्के यांचे अभिनंदन करण्यात आले. यावेळी कुलसचिव डॉ. विलास नांदवडेकर, नवोपक्रम, नवसंशोधन व साहचर्य मंडळाचे संचालक डॉ. एम. एस. देशमुख आदी उपस्थित होते.