मुंबई
फ्रान्सच्या रेनॉ कंपनीने आपली आरएक्सएल क्वीड ही नवी मोटार नुकतीच बाजारात दाखल केली आहे. मॅन्युअल आणि ऑटोमॅटिक अशा प्रकारात दाखल झालेल्या या गाडीची किंमत अनुक्रमे 4 लाख 16000 रुपये, 4 लाख 48000 रुपये इतकी असणार आहे. कंपनीने या गाडीवर ‘खरेदी करा आत्ता आणि रक्कम भरा नंतर’ ही ऑफर सादर केली आहे. याअंतर्गत ग्राहकांना ही नवी कार लगेच खरेदी करता येईल आणि तीन महिन्यानंतर समान मासिक हप्ते ग्राहकाला भरण्याची संधी असणार आहे. बीएस-6 श्रेणीसह येणाऱया या गाडीवर अतिरिक्त 5 वर्षाची वॉरंटी कंपनीने देऊ केली आहे. ही गाडी आईस कूल व्हाईट, मूनलाईट सिल्वर, इलेक्ट्रीक ब्ल्यू यासह 6 रंगांमध्ये उपलब्ध असणार आहे.