प्रतिनिधी/ सातारा
येथील शेटय़े चौकातील श्रीकांत शेटय़े यांच्या रेशनदुकानाला रविवारी पहाटे साडे चारच्या सुमारास शॉर्ट सर्किंटने आगली लागली. आगीत धान्य साठय़ांसह साहित्य जळून साडे चार लाख रुपयांचे नुकसान झाले आहे. वेळीच सातारा पालिकेचा अग्निशमन दलाचा बंब पोहचताच आग आटोक्यात आणली. परंतु तोपर्यंत आगीत नुकसान झाले होते.
श्रीकांत शेट्टय़े हे रहात असलेल्या पार्किंगमध्येच त्यांच्या ऑफिसमध्ये आहे. त्यांच्याकडे विविध कंपनीच्या एजन्सी आणि रेशनिंग दुकानही आहे. पार्किंगमध्येच हा सर्व माल आणि धान्याची पोती ते ठेवत होते.रविवारी पहाटे सर्वजण गाढ झोपेत असताना अचानक शॉर्ट सर्किटने पार्किंगमध्ये आग लागली. शेटय़े कुटुंबास जाग आल्याने याची माहिती अग्निशमन दल आणि पोलिसांना दिली. आग आटोक्यात आणण्यासाठी स्थानिक नागरिकांनी धाव घेतली. सकाळी साडे सहा वाजेपर्यंत आग आटोक्यात आणण्यात यश आले. रेशनचे धान्य जळाले. काही धान्य वाचवण्यात यश आले. तब्बल साडे चार लाख रुपयांचे नुकसान झाल्याचे श्रीकांत शेटय़े यांनी सांगितले.