नवी दिल्ली
रॉयल इनफिल्डने आपल्या जवळपास 2 लाखाहून अधिक दुचाकी दोषाच्या कारणास्तव परत मागवल्या असल्याचे सांगण्यात येत आहे. कंपनीने 2 लाख 36 हजार 966 दुचाक्या पुन्हा मागवल्या आहेत. सदरच्या गाडय़ांमध्ये इग्नीशन कॉइलमध्ये दोष असल्याचे स्पष्टीकरण कंपनीने दिले आहे. क्लासिक, बुलेट आणि मीटीओर या दोषयुक्त गाडय़ा परत कंपनीने मागवल्या आहेत. डिसेंबर 2020 ते एप्रिल 2021 पर्यंतच्या कालावधीत तयार करण्यात आलेल्या मीटीओर आणि जानेवारी ते एप्रिल 2021 च्या कालावधीत निर्मिती आणि विक्री केलेल्या क्लासिक व बुलेट या गाडय़ा परत मागवण्यात आल्या असल्याचे कंपनीने सांगितले आहे.