वृत्तसंस्था/ कोलंबो
लंकन क्रिकेट संघाने नुकत्याच झालेल्या तीन सामन्यांच्या टी-20 मालिकेत भारताला 2-1 अशा फरकाने पराभूत केल्याने लंकन क्रिकेट मंडळाने संघाला एक लाख अमेरिकन डॉलर्सचे बक्षीस जाहीर केले आहे.
शिखर धवनच्या नेतृत्वाखाली भारतीय क्रिकेट संघाने लंकेच्या दौऱयात वनडे आणि टी-20 मालिका खेळल्या. भारताने वनडे मालिका जिंकली, त्यानंतर टी-20 मालिकेत भारताला यजमान लंकेकडून हार पत्करावी लागली. लंकन संघाने या मालिकेत भारताच्या तुलनेत सर्वच विभागात दर्जेदार कामगिरी करत मालिका जिंकली. लंकन क्रिकेट मंडळाच्या कार्यकारी समितीने खेळाडू, प्रशिक्षकांचे अभिनंदन केले आहे. टी-20 प्रकारात लंकेचा भारतावर हा पहिला मालिका विजय आहे.