नवी दिल्ली / वृत्तसंस्था
तिबेटच्या निर्वासित सरकारचे नेते दलाई लामा तथा तेनझिन ग्यात्सो यांनी मंगळवारी 86 व्या वर्षात पदार्पण केले आहे. पंतप्रधान नरेंद्र मोदी यांनी त्यांच्या वाढदिवसानिमित्त त्यांचे अभिनंदन केले. हिमाचल प्रदेशातील धर्मशाला येथे त्यांच्या निर्वासित सरकारचे मुख्यालय आहे. या मुख्यालयात त्यांचा वाढदिवस साजरा करण्यात आला. दलाई लामा हे सर्वोच्च धार्मिक पद असून ग्यात्सो हे याच नावाने जगात प्रसिद्ध आहेत. तिबेट चीनने घशात घातल्यानंतर त्यांना तेथून निर्वासित व्हावे लागले. त्यानंतर त्यांनी भारतात आश्रय घेतला होता.