लोंढा ते वास्को रेल्वे मार्गावर दोन ठिकाणी कोसळली दरड
लोंढा ते वास्को या रेल्वे दरम्यान दोन ठिकाणी दरड कोसळण्याची घटना सोमवारी मध्यरात्री दीडच्या सुमारास घडली. करंजोळ व दूधसाखर नजीक रेल्वे मार्गावर दरड कोसळल्यामुळे रेल्वे मार्गावर चिखल व दगड साचले होते. रेल्वे रेस्क्यू टीम ने तातडीने घटनास्थळी दाखल होत माती बाजूला करून रेल्वे मार्ग तासाभरानंतर खुला केला. सुदैवाने यामध्ये कोणतीही जीवित व वित्तहानी झाली नाही.