100 हून अधिक ग्रामस्थांनी घेतला लाभ
प्रतिनिधी /बेळगाव
लोककल्प फौंडेशनच्यावतीने खानापूर तालुक्मयातील चिगुळे गावातील नागरिकांसाठी आरोग्य शिबिराचे आयोजन करण्यात आले होते. या शिबिरावेळी नागरिकांची मोफत तपासणी करण्यात आली. मधुमेह, रक्तदाब यासह इतर सामान्य तपासण्या करण्यात आल्या. 100 हून अधिक ग्रामस्थांनी या शिबिराचा लाभ घेतला.
लोकमान्य सोसायटीचे संस्थापक किरण ठाकुर यांच्या मार्गदर्शनाखाली लोकमान्य सोसायटी संचालित लोककल्पचे कार्य सुरू आहे. ग्रामीण भागात या फौंडेशनच्या माध्यमातून मोफत आरोग्य सेवा दिल्या जात आहेत.
यावेळी डॉ. रविंद्र अनगोळ, राजेश्री अनगोळ, डॉ. अनिल पोटे, डॉ. सुरेखा पोटे, डॉ. किरण चव्हाण, डॉ. दिनेश नाकाडी, डॉ. जोतिबा मोरे, अमित उपाध्ये, सुश्री ज्योती, संचालक किरण गावडे, सीएसआर व्यवस्थापक मालिनी बाली यांच्यासह इतर उपस्थित होते.