बेळगाव / प्रतिनिधी
येथील लोकमान्य ग्रंथालयात शनिवारी लोकमान्य टिळकांची पुण्यतिथी आचरण्यात आली. यावेळी उद्योजक व बुलकचे सदस्य मोहन इजारे यांच्या हस्ते टिळकांच्या प्रतिमेला पुष्पहार अर्पण करण्यात आला. सदर कार्यक्रम लोकमान्य ग्रंथालयात झाला.
यावेळी इजारे यांनी टिळक पंचांग, लाल बाल पाल, गीतारहस्य, स्वदेशी अशा शब्दात टिळकांच्या कार्याचा आढावा घेतला. अशोक याळगी यांनी प्रास्ताविक केले. यावेळी कै. अविनाश ओगले यांची लोकमान्य चित्रपटातील टिळक ही कविता सादर करण्यात आली. कोरोनामुळे हा कार्यक्रम साधेपणाने झाला. याप्रसंगी निखिल नरगुंदकर, किशोर काकडे, किशोर रेडेकर आदी उपस्थित होते.