बेळगाव / प्रतिनिधी
महांतेशनगर येथील सीझन्स प्राईड लॉन येथे दि. 3 ते 5 जानेवारी दरम्यान ज्योती भाविकट्टी व विद्या निलजकर आयोजित सहेली शॉपिंग उत्सव पार पडला. दि. 4 रोजी रव्यापासून तिखट पदार्थ तयार करण्याची स्पर्धा झाली. या स्पर्धेची बक्षिसे लोकमान्य सोसायटीने पुरस्कृत केली आहेत. स्पर्धेत शैला विरूपाक्षी यांनी प्रथम, सुरेखा मम्मीगट्टी यांनी द्वितीय तर बीना कट्टी यांनी तृतीय क्रमांक पटकाविला. विजेत्यांना रिजनल मॅनेजर मधुकर कुलकर्णी व मार्केटींग मॅनेजर किसन लाड यांच्या हस्ते बक्षिसे देण्यात आली.
प्रदर्शनाच्या ठिकाणी काढण्यात आलेल्या भाग्यवान सोडतीचे एन. एस. कुरडे, वैजयंती काशीलकर आणि सुरेखा एम. एस. विजेते ठरले. कार्यक्रम यशस्वी करण्यासाठी अमृता शेडबाळकर, तेजश्री होसकळ्ळी, अभिजित घडशी, सचिन राऊळ, प्रशांत होनगेकर, शंकर किणीकर यांनी परिश्रम घेतले.