वृत्तसंस्था नवी दिल्ली
वन प्लस नॉर्ड या स्मार्टफोनचा ऍमेझॉन प्राईम डे सेल सर्वाधिक तेजीत राहिला असून हा सर्वोच्च विक्री झालेला स्मार्टफोन म्हणून नोंद करण्यात आली आहे. ऍमेझॉन इंडियावर 6 ते 7 ऑगस्टच्या दरम्यान झालेल्या ऍमेझॉन प्राईम डे सेलमध्ये वनप्लसच्या या स्वस्त लेटेस्ट उपकरणास मोठी पसंती ग्राहकांनी दिली आहे.
वनप्लस नॉर्ड हा स्मार्टफोन मागील महिन्यात सादर करण्यात आला आहे. आणि ऍमेझॉन प्राईम डे सेलमध्ये त्याची प्रथमच खुली विक्री करण्यासाठी कंपनीने उलपब्ध करुन दिले आहे. वनप्लस नॉर्डला 8 जीबी रॅम आणि 128 जीबी स्टोरेज असून याची किमत 27,999 रुपये आणि 12 जीबी रॅम व 256 जीबी इनबिल्ट स्टोरेजची किमत 29,999 रुपये असल्याची माहिती कंपनीने दिली आहे.