प्रतिनिधी / बेळगाव
येथील वरेरकर नाटय़ संघाच्या के. बी. कुलकर्णी कलादालनात भरलेल्या चित्रप्रर्शनाची मंगळवारी सांगता झाली.
बळगाव एअरपोर्टचे संचालक राजेशकुमार मौर्य, उदयोन्मुख चित्रकार हेमकुमार टोपीवाला यांची जलरंगातील चित्रे आणि नम्रता मौर्य यांनी काढलेल्या छायाचित्रांचे हे प्रदर्शने भरले होते. सांगता समारंभास सुभाष फोटो स्टुडिओचे संचालक सुभाष ओऊळकर प्रमुख पाहुणे म्हणून उपस्थित होते.
प्रारंभी जगदीश कुंटे यांनी वरेरकर नाटय़ संघातर्फे राजेशकुमार, नम्रता व हेमकुमार यांचे प्रदर्शन भरविल्याबद्दल अभिनंदन केले. राजेशकुमार व हेमकुमार यांनी आपल्याला कलादालन उपलब्ध करून दिल्याबद्दल आभार मानले.
सुभाष ओऊळकर यांनी एक सुंदर आर्ट गॅलरी बेळगावकरांना उपलब्ध करून दिल्याबद्दल वरेरकर नाटय़ संघाचे कौतूक केले आणि शुभेच्छा दिल्या. याप्रसंगी अनेक चित्रकार व कलारसिक उपस्थित होते.