वारणानगर / प्रतिनिधी
अंगावरील हळद सुकन्या अधीच संसाराला आठ महिण्यापूर्वी सुरवात केलेल्या वाडी रत्नागिरी ता. पन्हाळा येथील नवविवाहीतेने रहात्या घरी गुरुवार दि. २६ रोजी आत्महत्या केली. सई प्रसन्न भंडारी (वय २१) असे या तिचे नाव आहे.
सई हिला उपचारासाठी कोडोली येथील उपजिल्हा रुग्णालयात आणन्यात आले होते. परंतु उपचारापुर्वीच निधन झाल्याचे डॉक्टरांनी जाहीर केले. आठ महिने पुर्वीच तीचे वाडी रत्नागिरी येथील प्रसन्न भंडारी यांच्याबरोबर विवाह झाला होता. आत्महत्येचे कारण अद्याप समजू शकलेले नाही. कोडोली येथील उपजिल्हा रुग्णालयात मृतदेहाचे शवविच्छेन करणेत आले. या घटनेची नोंद कोडोली पोलिस ठाण्यात झाली असून तपास कोडोली पोलीस करीत आहेत.