ओरोस/ प्रतिनिधी:-
जिल्हा रेड झोनमध्ये गेल्याने आणि रोजचे वाढते मृत्यू प्रमाण याला पालकमंत्री आणि ठाकरे सरकार जबाबदार असल्याचा आरोप करीत भाजपने जिल्हा रुग्णालयासमोर आंदोलन केले. जिल्हाध्यक्ष राजन तेली यांच्या नेतृत्वाखाली जिल्हा परिषद अध्यक्ष संजना सावंत, राजू राऊळ, प्रभाकर सावंत, रणजित देसाई आदींसह पदाधिकारी या आंदोलनात कार्यकर्ते सहभागी झाले होते. पालकमंत्र्यांच्या विरोधात घोषणाबाजी करत त्यांच्या कार्यपद्धतीचा निषेध नोंदविण्यात आला. जिल्हावासियांना योग्य सुविधा न मिळाल्यास आंदोलन तीव्र करणार असल्याचा इशारा आंदोलनावेळी देण्यात आला. दरम्यान आंदोलन कर्त्यांना ताब्यात घेत पोलिसांकडून कारवाई करण्यात आली.