भोपाळ / वृत्तसंस्था
‘द कपिल शर्मा शो’मध्ये दाखवण्यात आलेल्या एका दृश्यामुळे वाद निर्माण झाल्यानंतर कॉमेडियन कपिल शर्मा अडचणीत आला आहे. वादग्रस्त दृश्याप्रकरणी त्याच्यावर मध्यप्रदेशमधील शिवपुरी येथे एफआयआर दाखल करण्यात आला आहे. ‘द कपिल शर्मा शो’मध्ये न्यायालयाचा सेट उभारण्यात आला होता. यात कपिल शर्मा हातात दारुचा ग्लास घेऊन आपले पात्र साकारत होता. यामुळे न्यायालयाचा अपमान झाल्याची तक्रार त्याच्याविरोधात दाखल करण्यात आली आहे. मध्यप्रदेशमधील शिवपुरी येथील एका वकिलाने त्याच्याविरोधात सीजीएम कोर्टात धाव घेतली आहे. या प्रकरणावर 1 ऑक्टोबर रोजी सुनावणी होणार आहे.