प्रतिनिधी/ कागवाड
बेळगावहून विजापूरकडे कागवाड मार्गे धावणाऱया बसेस शिरगुप्पी, उगार, ऐनापूर मार्गे सोडावेत, अशा मागणीचे निवेदन कागवाड ब्लॉक भाजप अध्यक्ष तम्मण्णा पारशेट्टी यांनी उपमुख्यमंत्री तथा परिवहन मंत्री लक्ष्मण सवदी यांना दिले. शनिवारी अथणी येथे लक्ष्मण सवदी यांची भेट घेऊन तम्मण्ण पारशेट्टी यांनी निवेदन सादर केले. यावेळी ऐनापूर केआरईएस शिक्षण संस्थेचे संचालक मोहन कारची, रमेश कारची यांच्यासह आदी मान्यवर उपस्थित होते.