ताजा कोरोना निगेटिव्ह रिपोर्ट तरच प्रवेश, महाराष्ट्र एस टी ला ही कागवाडची सीमा
महाराष्ट्रात येण्यासाठी मात्र खुल्लमखुल्ला
प्रतिनिधी / सांगली
कर्नाटक शासनाने जारी केलेल्या परिपत्रकानुसार महाराष्ट्र राज्यातून विजापूर जिल्ह्यात जाणाऱ्या प्रवाशांनी ७२ तासापेक्षा जुना नसलेला आरटीपीसीआर (RT-PCR) निगेटिव्ह रिपोर्ट सोबत ठेवणे आवश्यक आहे. तो असेल तरच प्रवेश अन्यतः नो एन्ट्री आहे. मात्र महाराष्ट्रात येण्याची दारे खुली आहेत.
कर्नाटक शासनाच्या आरोग्य व कुटुंब विभागाने जारी केलेल्या मार्गदर्शक सुचनांनुसार आरटीपीसीआर निगेटीव्ह रिपोर्ट अनिवार्य आहे. या संदर्भात विजापूर जिल्हा सीमेवर चेक पोस्टची स्थापना करण्यात आली आहे. महाराष्ट्र परिवहन मंडळाची एस.टी ही सीमेवर रोखण्यात आली आहे. कागवाडच्या पुढे एस.टी.ला प्रवेश नाही.