पर्ये / वार्ताहर
केरी सत्तरीतील ग्रामपंचायत शिपाई उत्तम लक्ष्मण गावस( 46) यांचे आज सकाळी विजेच्या धक्क्याने अपघाती मृत्यू झाला. आज सकाळी केरी येथे त्याच्या राहत्या घरी आपल्या बागायतीला पाणी लावण्यासाठी विजेवरील पंप सुरू करायला गेला असता विजेचा शॉक लागल्याने त्याचा जागीच मृत्यू झाला. त्यानंतर त्याना साखळी सामाजिक आरोग्य केंद्रात व पुढे गो. मे. का. इस्पितळात उत्तरीय तपासणीसाठी नेण्यात आले. त्यानंतर त्याचा मृतदेह घरी आणून संध्याकाळी खाजगी जागेत त्याच्यावर अंत्यसंस्कार करण्यात आले.
शांत आणि प्रेमळ स्वभावाचे असलेले उत्तम गावस हे ग्रामपंचायत प्य?न असल्याने केरीतील परिचित असे व्यक्ती होते. ते ग्रामपंचायतीमध्ये येणाऱयांना प्रेमळपणे मदत करायचे. त्यांच्या अशा अकाली अपघाती मृत्यूने गावात हळहळ व्यक्त केली जात आहे. त्याच्या पश्चात पत्नी, एक मुलगा व एक मुलगी व भाऊ- भावजय असा परिवार आहे.