बसेस वेळेत सोडण्याची मागणी : आश्वासनानंतर रास्ता रोको मागे
प्रतिनिधी / बेळगाव
शालेय विद्यार्थ्यांना वेळेत सोडण्यात येत नाहीत. तसेच बसच्या फेऱयाही कमी आहेत. दररोज होणाऱया या डोकेदुखीमुळे सोमवार सायंकाळी 5 वाजण्याच्या सुमारास कित्तूर चन्नम्मा चौकातील कडोली-जाफरवाडी या बस स्टॉपवर रास्ता रोको करण्यात आला. त्यामुळे एकच गोंधळ उडाला आणि वाहतुकीची कोंडी झाली.
कोरोनानंतर महाविद्यालये-शाळा सुरू झाल्या मात्र बसेस अजुनही विद्यार्थ्यांच्या वेळेत सोडण्यात येत नाहीत. त्यामुळे विद्यार्थी पालकांची मोठय़ा प्रमाणात गैरसोय होत आहे. त्यामुळे विद्यार्थ्यांनी वैतागून सोमवारी सायंकाळी अचानकपणे रास्ता रोको केला. यामुळे दोन्ही बाजूला वाहतुकीची कोंडी निर्माण झाली होती. पोलिसांनी समजूत काढून विद्यार्थ्यांना हा रास्ता रोको मागे घेण्यास भाग पाडले. या घटनेमुळे वाहनचालकांचा मोठा त्रास सहन करावा लागला.