प्रतिनिधी / सांगली
केंद्र सरकारने विद्यार्थ्यांसाठी स्वतंत्र लसीकरण मोहीम राबवण्याची मागणी आज राष्ट्रवादी विद्यार्थी काँग्रेसच्या शहर जिल्हयाच्यावतीने करण्यात आली. यामागणीकडे केंद्र सरकारचे लक्ष वेधण्यासाठी विद्यार्थी प्रदेशाध्यक्ष सुनील गव्हाणे यांच्या सूचनेनुसार व राष्ट्रवादी काँग्रेस पार्टीचे शहरजिल्हाध्यक्ष संजय बजाज, युवकचे शहरजिल्हाध्यक्ष राहुल पवार व विद्यार्थी पश्चिम महाराष्ट्र अध्यक्ष सुहास कदम यांच्या मार्गदर्शनाखाली हे आंदोलन करण्यात आले.
यावेळी शहरजिल्हाध्यक्ष डॉ. शुभम जाधव म्हणाले, गेल्या दीड वर्षांपासून देशातील सर्व महाविद्यालये बंद आहेत. देशातील संपूर्ण जनतेच्या लसीकरणाची जबाबदारी केंद्र सरकाने उचलली आहे. केंद्र सरकार राज्यांना लसींचा पुरवठा करत असून त्या पुरवठ्यानुसार लसीकरण सुरू आहे. राज्य शासनाकडून होणारी मागणी आणि केंद्र शासनाकडून होणारा पुरवठा यामध्ये सातत्याने तफावत आहे. केंद्र सरकारने विद्यार्थ्यांसाठी लसींचा स्वतंत्र पुरवठा करून विद्यार्थ्यांचे महाविद्यालय स्तरावर स्वतंत्र लसीकरण करावे अशी मागणी आम्ही करत आहोत असे सांगितले.
यावेळी शहरजिल्हाध्यक्ष डॉ शुभम जाधव, शहरजिल्हा उपाध्यक्ष , संदीप व्हनमाणे, शहरजिल्हा कार्याध्यक्ष शुभम ठोंबरे, सचिन चव्हाण, ऋषिकेश कांबळे आदी पदाधिकारी उपस्थित होते.
Previous Articleकरुणा शर्मा यांच्या न्यायालयीन कोठडी वाढ
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.