बाचणी ता.कागल येथील दुर्देवी घटना : एकुलता एक मुलगा व आईच्या मृत्यूने गावावर शोककळा
वार्ताहर/व्हनाळी
कपडे धुवून घरी परत येत असताना शेतातील पोलवरील महावितरणाची विद्युत प्रवाहीत तार तुटून अंगावर पडल्याने माय लेकराचा जागीच मृत्यू झाला. बाचणी (ता.कागल) येथे ही दुर्देवी घटना घडली. गीता गौतम जाधव (वय ३९) व हर्षवर्धन गौतम जाधव (वय-१४) अशी या मृत माय लेकरांची नावे आहेत. आज मंगळवारी सकाळच्या सुमारास ही घटना घडली.
याबाबत अधिक माहिती अशी की, गीता जाधव या घरा पाठीमागील विहिरीत कपडे घुवून ऊसाच्या शेतातून घरी परत येत होत्या. दरम्यान यावेळी विद्युत खांबा वरील प्रवाहीत विजेची तार तुटून अंगावर पडल्याने गीता व हर्षवर्धन या माय लेकरांचा जागीच मृत्यू झाला. तर सुदैवाने 10 वर्षाची मुलगी गैारी बचावली. सदर घटनेची नोंद कागल पोलिसात झाली असून घटनास्थळी कागलचे पोलिस निरीक्षक दतात्रय नाळे व महावितरणाच्या अधिका-यानी भेट देवून पंचनामा केला आहे.
गौतम जाधव यांचा एकुलता एक मुलगा व पत्नीचा आकस्मिक दुदैवी मृत्यू झाल्याने कुटुंबीयाबरोबरच गावावर शोककळा पसरली असून हळहळ व्यक्त होत आहे.
Previous Articleजिल्ह्यात सरासरी 9.2 मि.मी. पाऊस
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.