वृत्तसंस्था/रिओ डे जेनेरिओ
रविवारी झालेल्या विमान दुर्घटनेत ब्राझीलचे चार फुटबॉलपटू ठार झाल्याची माहिती ब्राझीलच्या फुटबॉल फेडरेशनने दिली. ब्राझीलमधील पामास फुटबॉल क्लबचे हे चार फुटबॉलपटू हवाईप्रवास करीत असताना त्यांच्या विमानाला अपघात झाला.
सदर विमान ब्राझीलच्या टोकेनटिन्स राज्यातील गोनिया या विमानतळावरून टेकऑफ करत असताना धावपटीच्या शेवटी सदर विमान अचानक खाली कोसळले. या दुर्घटनेची चौकशी करण्याचा आदेश ब्राझीलच्या शासनाने दिला आहे. पामास क्लबचे खेळाडू सामना खेळण्यासाठी जात होते.