बेंगळूर : विरशैव-लिंगायत समुदायाचा मागासवर्ग यादीत समावेश करावा, अशी मागणी पुन्हा जोर धरू लागली आहे. याच उद्देशाने शनिवारी बेंगळूरमध्ये विरशैव-लिंगायत मठाधीशांची सभा आयोजित करण्यात आली आहे. बेंगळूरच्या विजयनगर येथील श्री बसवेश्वर सुज्ञान मंटपमध्ये ही सभा होणार आहे. राष्ट्रीय विरशैव-लिंगायत मठाधीशांच्या संघटनेमार्फतही ही सभा आयोजित करण्यात आली आहे. शिवयोग मंदिरचे अध्यक्ष होस्पेटचे जगद्गुरु, शैलपीठाचे स्वामीजी, सिद्धगंगा मठाचे मठाधीश, उज्जैनी मठाचे स्वामीजी हे या सभेचे नेतृत्व सांभाळणार आहेत. कर्नाटक, आंध्रप्रदेश, महाराष्ट्र, तेलंगण यासह विविध राज्यातील विरशैव-लिंगायत मठांचे मठाधीश तसेच गुरु-विरक्त परंपरेतील सुमारे 500 हून अधिक मठाधीश यावेळी उपस्थित राहणार आहेत. राष्ट्रीय विरशैव-लिंगायत मठाधीशांच्या संघटनेच्या वतीने विभुतीपूर मठाचे डॉ. महांतलिंग शिवाचार्य स्वामीजी, सर्पभूषण मठाचे मल्लिकार्जुन स्वामीजी, कंचुकल बंडे मठाचे बसवलिंग स्वामीजी यांनी पत्रकाद्वारे ही माहिती दिली आहे.
Trending
- झोपेत असलेल्या चौघांची गदगमध्ये निर्घृण हत्या
- भुजबळ निसटले पण महायुती अडकली!
- मतदानाचा टक्का, देतो का धक्का ?
- ओडिशातील उद्यानात पांढऱ्या वाघिणीचा मृत्यू
- केलेल्या कामांचे स्मरण
- केनियन लष्करप्रमुखांसह 10 जणांचा अपघाती मृत्यू
- इराणच्या आण्विक तळाजवळ इस्रायलचा क्षेपणास्त्रहल्ला?
- दिनेशकुमार त्रिपाठी नवे नौदलप्रमुख