वृत्तसंस्था/ मुंबई
भारतीय क्रिकेट संघाचा कर्णधार विराट कोहली याला सोमवारी पहिल्या कन्यारत्नाचा लाभ मिळाला आहे. विराटची पत्नी अनुष्का शर्मा हिने सोमवारी आपल्या पहिल्या कन्येला जन्म दिला. सदर माहिती कोहलीने आपल्या ट्विटरवर प्रसिद्ध केली आहे.
विराटची पत्नी अनुष्का आणि तिची कन्या यांची प्रकृती सुखरूप असल्याचे सांगण्यात आले. अनुष्का शर्मा आणि विराट कोहली या दोघांचे वय समान 32 वर्षे असून अलिकडे या दोघांनी आपल्या लग्नाचा तिसरा वाढदिवस साजरा केला होता. 11 डिसेंबर 2017 साली विराट आणि अनुष्का यांचा विवाह इटलीमध्ये साजरा झाला होता.