तीन दिवसात दुसऱयांदा वायूगळती : 2 ठार
वृत्तसंस्था/ विशाखापट्टणम
आंध्रप्रदेशच्या विशाखापट्टणममध्ये मंगळवारी सकाळी एका कारखान्यात वायूगळती झाली आहे. या दुर्घटनेत दोन कर्मचाऱयांचा मृत्यू झाला आहे. तर 4 जखमींना रुग्णालयात हलविण्यात आले आहे. सेनर लाइफ सायन्सेस प्रायव्हेट लिमिटेड कंपनीमध्ये ही दुर्घटना घडली आहे. तेथे बेन्जीमिडेजोल वायूची गळती झाली आहे. मुख्यमंत्री सी. जगनमोहन रेड्डी यांनी या दुर्घटनेच्या चौकशीचे आदेश दिले आहेत. सुमारे 2 महिन्यांमध्ये वायूगळतीची ही तिसरी घटना घडली आहे.
8 मे रोजी विशाखापट्टणमनजीक एका प्रकल्पात वायूगळती झाल्याने 11 जणांचा मृत्यू झाला होता. तर चालू महिन्यात 27 रोजी कुर्नूल येथे झालेल्या दुर्घटनेत कंपनीच्या व्यवस्थापकाला जीव गमवावा लागला होता.