वृत्तसंस्था/ बर्म्युडा
यावर्षी बर्म्युडामध्ये होणारी वर्ल्ड ट्रायथ्लॉन स्प्रिंट व रिले चॅम्पियनशिप कोरोनाच्या संकटामुळे रद्द करण्यात आल्याचे रविवारी स्पर्धा आयोजकांनी जाहीर केले.
ही स्पर्धा बर्म्युडामध्ये 15 ते 17 ऑक्टोबर या कालावधीत होणार होती. पण या ठिकाणी कोरोनाच्या रुग्णसंख्येत मोठी वाढ होत असल्याचे आढळून आले. कोरोनाच्या धोक्यासंदर्भात विश्व आरोग्य संघटनेने पुरविलेल्या माहितीच्या आधारे विश्व ट्रायथ्लॉन व बर्म्युडाच्या स्थानिक आयोजन समितीने चर्चा करून ही स्पर्धा न घेण्याचा निर्णय घेतल्याचे निवेदनाद्वारे सांगण्यात आले.