वेंगुर्ले/वार्ताहर-
वेंगुर्ले नगरपरिषद हद्दीतील रस्त्यावर बऱ्याच ठिकाणी मोठ्या प्रमाणात खड्डे असून येत्या चार दिवसांत वहातुकीस सुयोग्य करा. तसे न केल्यास शिवसेना स्टाईलने आंदोलन छेडण्याचा ईशारा वेंगुर्ले शहर शिवसेनेने दिला आहे.
वेंगुर्ले नगरपरिषद हद्दीतील रस्त्यावर बऱ्याच ठिकाणी मोठ्या प्रमाणात खड्डे पडलेले आहेत. त्यामुळे वाहनचालकांना जीव मुठीत धरून प्रवास करावा लागत आहे. यापुढे अशा खड्ड्यामुळे जर कोणताही अपघात घडून दुर्घटना घडल्यास त्याला सर्वस्वी वेंगुर्ले नगरपरिषद जबाबदार राहील. त्यामुळे तरी हे खड्डे पावसाळी डांबराने बुजवण्यात यावेत येत्या चार दिवसात याबाबतची कार्यवाही न झाल्यास शिवसेना स्टाईलने उत्तर देण्यात येईल. अशा स्वरूपातील लेखी निवेदन वेंगुर्ले शिवसेनेचे शहर प्रमुख अजित राऊळ यांनी वेंगुर्ले नगरपरिषदेचे मुख्याधिकारी डाँ. अमितकुमार सोंडगे यांना सादर केले आहे.
सदर निवेदन नगरपरिषदेचे मुख्याधिकारी यांना सादर करतेवेळी शिवसेनेचे पदाधिकारी वेंगुर्ले तालुका युवा सेनेचे प्रमुख पंकज शिरसाट, शहर सेना समन्वयक विवेक आरोलकर, मिलिंद डिसोजा, दादा सारंग, वैभव फटजी, सुयोग चेंदवणकर, वेदांत पेडणेकर आदी उपस्थित होते.
या निवेदनाची प्रत सार्वजनिक बांधकाम विभागाचे वेंगुर्लेतील उपअभियंता यांनाही सादर करण्यात आले आहे.